Ministri i Mbrojtjes, Ejup Maqedonci ka pritur sot në takim ambasadorin e Turqisë në Kosovë, Sabri Tunç Angili.

Me anë të një postimi në Facebook, Maqedonci tha se me ambasadorin Angili kanë diskutuar për bashkëpunimin bilateral në fushën e mbrojtjes dhe sigurisë, përcjell Arbresh.info.

“Nga ambasadori Angili fillimisht pranova urimet më të sinqerta për rezultatin e zgjedhjeve, ndërsa në vazhdim të takimit trajtuam çështjen e bashkëpunimit bilateral në fushën e mbrojtjes dhe sigurisë, veçanërisht i rëndësishëm ky bashkëpunim e koordinim në situatën aktuale gjeopolitike”, ka shkruar Maqedonci.

“Të dyja palët rikonfirmuam angazhimin për të punuar së bashku në forcimin e sigurisë dhe stabilitetit, ndërsa në Kosovë pritet që së shpejti të ndërtohet dhe fabrika e municionit dhe dronëve “Made in Kosova” përmes marrëveshjes së nënshkruar me kompaninë shtetërore turke MKE”, tha Maqedonci./Arbresh.info